Search Wikia/ast
Tocante a Wikia Search
Wikia ta trabayando nel desendolcu y masificación d'un motor de búsquedes llicenciáu llibremente (códigu abiertu). Lo que pue ver equí ye la nuesa primer versión alpha (n'inglés).
Somos conscientes de la baxa calidá de los resultaos de busca.
El conceutu del motor de búsqueda de Wikia básase na retroalimentación de los usuarios confiables d'una comunidá actuando en conxuntu y d'un xeitu públicu, tresparente y abierta. Bien ye verdá qu'enantes d'entamar nun tenemos datos producíos polos usuarios. Poro, los resultaos son enforma probetayos. Pero esperamos qu'ameyoren rápidamente nes vinientes selmanes, polo que suxerimos que nos amestes a los tos favoritos y que tornes davezu.
Nesti intre, l'aida más importante que pues facer ye colos "mini artículos" (mini articles) qu'apaecen na parte cimera de les búsquedes más populares. Anque podrá variar acordies coles circunstancies, los emplegos principales sedrán:
- Definiciones curties
- Dixebres
- Semeyes
- Ver tamién
Al pie de cada páxina hai un enllaz (link) a Post bug reports. Por favor, emplega esi enllaz pa unvianos los tos comentarios sobre problemes nes búsquedes. Si quies facelo n'asturianu, enxerta'l to comentariu en Reportar un fallu nel buscador. Si desees que s'incorpore una nueva funcionalidá, dexa un mensaxe en leave new feature requests (n'asturianu en solicitúes de nueves funcionalidaes).
Les búsquedes son una parte fundamental de la infraestructura d'Internet y, poro, pueden y han ser feches d'una forma oxetiva, abierta y responsable. Esti sitiu, nel que tuvimos trabayando per llargu tiempu, representa'l primer entamu del futuru de les búsquedes.
Anímate y xúnete, fai amigos y construyamos daqué interesante, amistoso y estremao.
Principios
Los nuesos cuatro principios organizativos (Four Organizing Principles, TCQP n'inglés ), sobre los qu'ha de basase'l futuru de les búsquedes n'Internet, son:
- Tresparencia: que'l públicu sepa cómo operen los sistemes y algoritmos de búsqueda, yá seya con llicencies de códigu abiertu, como con conteníos abiertos + APIs.
- Comunidá: cualquier persona pue collaborar de dalguna miente (de forma individual o per aciu d'una organización), con un fuerte acentu social y comunitariu.
- Calidá: queremos ameyorar significativamente la relevancia y esactitú de los resultaos y la esperiencia de búsqueda.
- Privacidá: habrá una protección de los datos d'identificación de los usuarios y de les sos preferencies de búsqueda.
Estayes actives nes que vamos centranos
- Llaboratoriu Social - fontes pa reputación social d'URLs, esperimentos en ránking social al estilu wiki.
- Llaboratoriu Distribuyíu - proyeutos enfocaos en computación distribuyida, crawling y indexación. Grub!
- Llaboratoriu Semánticu - Procesamientu de llinguaxe natural, categorización de testu.
- Llaboratoriu d'estandarización - formatos y protocolos pa construyir teunoloxíes de búsqueda interoperables.